பீர்க்கன் காய் தோல் சட்னி

நாம் வீடுகளில் பீர்க்கன் காய் சமைக்கும் போது , சதைப்பகுதியை மட்டும் சமையலில் பயன்படுத்தி விட்டு தொலியை தூக்கி எறிந்து விடுவோம். தொலியில் தான் அதிகளவு மினரல்களும் விட்டமின்களும் உள்ளன. அந்த தொலியை வைத்து சுவையான சட்னி செய்யலாம். சாதத்தில் பிசைந்தும், தோசைக்கு தொட்டுக் கொள்ளவும் மிகவும் சுவையானதாக இருக்கும்.

தேவையானவை
பீர்க்கன் காய் தொலி ---1கப்
கடலைப்பருப்பு--- 2 ஸ்பூன்
உளுத்தம்பருப்பு- 3 ஸ்பூன்
மிளகாய் வத்தல்---3
புளி --சிறு கோலி அளவு
உப்பு ---தேவையான அளவு

கடலைப்பருப்பு, உளுத்தம் பருப்பு, மிளகாய் வத்தலை சிறிதளவு எண்ணை விட்டு சிவக்க வறுக்கவும்.
பீர்க்கன் தொலியை சிறியதாக நறுக்கி, சிறிதளவு எண்ணை விட்டு அதையும் மிருதுவாகும் வரை வதக்கவும்.
எல்லா பொருட்களையும் ஒன்றாக சேர்த்து உப்பு ,புளியுடன் மிக்ஸியில் அரைக்கவும்.
கடுகு, பெருங்காயம், கறிவேப்பிலை தாளிக்கவும்.