அன்ன நடையழகி

அலங்கார இடையழகி

பின்னல் சடையழகி கண்ணம்மா

பக்கத்திலே வாடி நீயும் செல்லம்மா

கட்டான கட்டழகா

கருத்தான பேச்சழகா

பின்னாடி வருவதென்ன சின்னையா 

பார்க்குறாங்க எல்லாரும்தான் செல்லையா

தென்னைதோப்பு ஓரத்திலே

தேங்காய பறிக்கையிலே

பார்க்காம போறியேடி கண்ணம்மா

நீ  மச்சானிடம் பேசலையேடி செல்லம்மா

மாந்தோப்பு பக்கத்திலே

மாங்காய பறிக்கையிலே

அணைச்சிக்க துடிப்பதென்ன சின்னயா

அஞ்சாறு மாசம் போகட்டும் செல்லையா

 

அந்தி சாயும் நேரத்திலே

 அல்லிப்பூ பூக்கையிலே

ஆத்துப்பக்கம் காத்திருந்தேன் கண்ணம்மா

நீ அங்கேயும் வரலையேடி செல்லம்மா

சோழவந்தான் பக்கத்திலே

பொழுது போன நேரத்திலே

சொக்கி நாம பேசிடலாம் கண்ணம்மா

சொன்னபடி அங்க வாடி செல்லம்மா

சோடிபோட்டு போகையிலே

சொக்கநாதர் பார்க்கையிலே

சொன்னபடி வந்திடுங்க சின்னையா

சம்மதம்ஒன்னு சொல்லிடுவேன் செல்லையா.

 ரஞ்சனா கிருஷ்ணன்